Lasterketetako ibilbideak

Hemen dauzkazue Zumaia Flysch Traileko maratoi eta maratoi erdiko ibilbideen mapak eta datu esanguratsuenak. Ohar garrantzitsua: Flysch Traileko ibilbidearen zati batzuk lursail pribatutan sartzen dira, eta lasterketarako bakarrik zabaltzen dira tarte horiek. Entrenamenduetarako herri bideak erabili, mesedez. Eskerrik asko.

Ibilbidearen mapa

Mapa honetan dauzkazue zehaztuta maratoi erdiaren ibilbidearen nondik norakoak, datu esanguratsuenak eta intereseko puntuak.

Deskribapena

Asteburuan izango den proba nagusia da maratoia. Euskal Herriko Kopa izan zen lehen edizioetan, Espainiako mendi federazioko hainbat proben parte izan da azken urteotan (Espainiako Kopa, autonomien arteko Espainiako Kopa…). 2021eko ekitaldia, lehen aldiz, Nazioarteko Atletismo Federazioak (IAAF) antolatutako Munduko Koparen parte izango da. Hauek izango dira probak izango dituen txapelketa ofizialen izenak:

-SKY RUNNER NATIONAL SERIES CHAMPIONSHIP. Munduko Sky txapelketarako baliagarria.
-WORLD MOUNTAIN RUNNING CUP (WMRA).
-REAL FEDERACION ESPAÑOLA DE ATLETISMO (RFEA) ESPAINIAKO KOPA – Maila absolutuan eta rankingean.

Proba Zumaian hasi eta Andutzera bitartean UNESCOko Geoparkearen barrena bideratzen da, mendia eta itsasoa uztartuz. Probaren nondik norako batzuk hauek dira:

Distantzia eta desnibela
42,8km – Munduko Kopa. 2.916m desnibela.

 

Deskargatu PDFa

Ibilbidearen mapa

Mapa honetan dauzkazue zehaztuta maratoi erdiaren ibilbidearen nondik norakoak, datu esanguratsuenak eta intereseko puntuak.

Deskribapena

Maratoi erdia da Flysch Trail mendi lasterketako probarik herrikoiena. Aurten, gainera, Euskadiko Trail Txapelketa izango da (Euskadiko Atletismo Federazioa). Ibilbideari dagokionez, oso erakargarria da, ia denbora osoan itsaslabarren gainetik egiten baita korrika. 22,2 kilometroko distantzian, 850 metroko desnibela gainditu behar da. Lasterketa goizeko 8:15ean abiatuko da, Eusebio Gurrutxaga plazatik.

Deskargatu PDFa