Zumaiako XV Flysch trail mendi lasterketa 2024ko urriaren 6an izango da.
Irteera eta helmuga Eusebio Gurrutxaga plazan izango da.
Izen ematea ekainaren 7an (19:00etan) zabaldu eta irailaren 1ean itxiko da, baldin eta gehieneko partaide kopurura lehenago iristen ez bada.
Bi proben artean guztira 650 korrikalari izango dira. Izen ematea kronoak.com webgunean egin beharko da.
Zumaia Flysch trail (23,6 km)
Zumaia Flysch trail motza (13km)
ITXARON ZERRENDA
Izen emate kopurua betetzen bada, itxaron zerrenda zabalduko da. Partaide batek baja ematen badu, lista honetako hurrenkera erabiliko da korrikalari berriak sartzeko.
Baja emateko aukera proba baino 7 egun lehenagora arte onartuko da.
Ordaindu ondoren emango dio alta antolakuntzak korrikalariari lasterketan. Baldintza hauek betetzen ez dituztenak ez dira Zumaia Flysch trail lasterketako izen-emate zerrendan sartuko.
ADIN TXIKIKOEN IZEN EMATEA
14 urte eta 17 urte bitarteko korrikalariek (abenduaren 31ean izango duten adina hartuko da kontuan) derrigorra izango dute “adin gabeen baimena” dokumentua egoki bete eta izen emate plataformara igotzea. Horrela ez bada izen ematea ez da onartuko.
Dokumentua izen emateko plataforman eta antolakuntzaren webgunean zintzilik izango da.
Irteera / helmuga puntuan jasoko dira.
ORDUTEGIA
Dortsala jasotzeko derrigorrezkoa da parte hartzailea bertaratzea eta ezingo du dortsala beste inork jaso. Idatzizko baimen edo eskuordetzeak ez dira onartuko.
Dortsala jasotzeko nortasun agiria (NAN) edo baliokidea aurkeztu beharko da.
Proba bakoitza baino 10 minutu lehenago zabalduko da irteera eremua. Bertan antolatzaileek materialaren ikuskapena egiteko aukera izango dute: oinetakoak, dortsala, jantzia,…
Antolakuntzak eskumena izango du era berean ordutegia errespetatzen ez duen korrikalaria zigortzeko.
Zaindegia irteera/helmuga puntuan egongo da kokatua, dutxak aldiz, Lubaki kiroldegian (Basadi auzategia 16) izango dira.
Horretaz gain anoa gune nagusia, freskatzeko dutxa, komunak, etab. izango dira Irteera/helmuga puntuan.
Probaren nondik norakoak zehazteko informazioa antolakuntzaren webgunean (https://zumaiaflyschtrail.eus) sare sozialetan zintzilikatuko da, eta korrikalari bakoitzari emailez jakinaraziko zaizkio.
Lasterketa “Euskal Kostaldea UNESCOren munduko Geoparkea”n izango da, beraz eremu babestuan.
ZUMAIA FLYSCH TRAIL (23,6km)
ZUMAIA FLYSCH TRAIL MOTZA (13km)
Euskadiko Mendi federazioaren Mendi lasterketetako araudiaren arabera kronometratuko dira lasterketak.
Sailkapena argitaratu ondoren, 30 minutu egongo dira edozein erreklamazio egiteko. Denbora pasa eta gero, ofizialak egingo dira sailkapenak.
ZUMAIA FLYSCH TRAIL (23,6km)
ZUMAIA FLYSCH TRAIL MOTZA (13km)
Sailkapen guztietan emakume, gizon eta ez-binarioen sailkapenak egingo dira. Kontuan hartuko da korrikalariak 2024ko abenduaren 31n izango duen adina.
ZUMAIA FLYSCH TRAIL (23,6km)
Kategoria absolutua neska, mutil eta ez-bitarretan
Master kategoria neska, mutil eta ez-bitarretan
Zumaiarren absolutu kategoria neska, mutil eta ez-bitarretan
Zumaiarren master kategoria neska, mutil eta ez-bitarretan
ZUMAIA FLYSCH TRAIL MOTZA(13km)
Kategoria absolutua neska, mutil eta ez-bitarretan
Sub-18 kategoria neska, mutil eta ez-bitarretan
Zumaiarren absolutu kategoria neska, mutil eta ez-bitarretan
Zumaiarren sub-18 kategoria neska, mutil eta ez-bitarretan
Sariak ez dira gehigarriak izango beraz, parte hartzaile batek kategoria ezberdinetan saria izanez gero ez dira gehituko eta kategoria nagusiena edo orokorra gailenduko da besteengan.
Sari banaketa 13:00etan hasiko da eta ordena honetan banatuko dira sariak:
Antolakuntzak ardura zibileko eta istripuetako aseguruak izango ditu. Gurutze Gorriaren laguntza ere izango du.
Antolakuntzak parte-hartzaile guztiei osasun-azterketa bat egitea gomendatzen die. Norberak bere gain hartu beharko du kirol jarduerak dakarren arriskua.
Ibilbidea eta kilometroak behar bezala seinaleztatuta egongo dira, kartel adierazleekin.
Lasterketan zehar anoa gune ezberdinak egongo dira (ikusi planoa)
|
Eremua |
Km | Edatekoa |
Jatekoa |
|
Elorriaga |
4,8 |
X |
X |
|
Mendata |
9,6 |
X |
X |
|
Errotaberri |
13,0 |
X |
X |
| Elorriaga | 17,4 | X |
X |
| San Telmo | 21,4 | X |
|
Edozein ezbehar txiki izanez gero anoa gune bakoitzean oinarrizko botikina izango da.
Proba amaitzeko ez da tarteko kontrolik egongo, bai ordea, derrigor pasatu beharreko eremuak. Bertan tarteko denborak zehaztuko dira.
Helmuga puntua 13:00etan itxiko da, beraz gehienez ere 4 ordu izango dira lasterketa amaitzeko.
Lasterketa “Euskal Kostaldea UNESCOren munduko Geoparkean” burutzen da.
Erabat debekatuta egongo da edozein zabor mota lurrera botatzea, horretarako anoa gune eta kontrol gune bakoitzetik 25m eta 50m-tara zabor ontziak egongo dira eta parte-hartzaile guztien betebeharra izango da eremu hauetatik kanpo zaborrik ez botatzea.
Ibilbidean zehar ingurumeneko boluntario eta epaileak egongo dira hau kontrolatzen. Arau hau betetzen ez duen korrikalaria lasterketatik kanporatua izango da.
Edozein baldintza ematen dela ere, antolakuntzak eskumen guztia du lasterketa ibilbide alternatibo batetik desbideratzeko, beharrezkoak estimatzen diren aldaketak egiteko edota lasterketa bertan behera uzteko. Edozein erabaki hartzeko irizpide nagusia korrikalarien ongizatea eta segurtasuna izango da. Erabakia antolakuntzako koordinazio taldean hartuko da.
Parte-hartzaileen betekizuna izango da istripuren bat izan duen edonor laguntzea eta kontrol-guneetan edozein ezbeharren berri ematea. Hala egiten ez duen korrikalaria lasterketatik kanporatua izango da.
Gurutze Gorriaren laguntza izango dugu lasterketa osoan zehar.
Antolakuntzak bere gain hartuko du ibilbidearen barruan gertatzen den edozein istripuen ardura, baina ez korrikalarien istripuaz zabarkeriak eraginda gertatzen bada. Parte-hartzaileen objektu pertsonalen ardurarik ez du izango antolakuntzak. Helburu horrekin zaindegi-zerbitzua egongo da helmuga bertan.
Parte-hartzaileek dute beren buruari edota hirugarren pertsonei eragindako kalte ororen erantzukizuna.
Korrikalariak, batez ere emakumezko korrikalariak lasterketako ibilbidea ezagutzeko eta entrenatzeko ekaina eta iraila artean hainbat irteera antolatuko dira. Parte hartzen duten emakumeen artean Gipuzkoako Foru Aldundiaren kirol sailaren eskutik 15 dortsal zozketatuko ditugu.
Entrenamenduetan parte hartu eta zozketa bidez dortsala izateko aukera izan arren, izen ematea berdin egin beharko da dagokion epeen barruan. Zozketa bidez dortsala lortuz gero, dirua itzuliko dugu.
Irteera horien berri www.zumaiaflyschtrail.eus webgunean emango da.
Parte-hartzaile guztiek, parte hartzeagatik, araudi hau onartzen dute. Bertan agertzen ez dena EMF-FVM-ren araudia kontuan izanda ikusiko da.
-Parte hartzaileak lasterketan izena ematearekin datuen erabilera hau egitea onartzen du:
-Lasterketako datuak ezingo dira hauek ez diren beste helburu batzuetarako
-Hau ez onartzeak lasterketan ezin parte hartzea ekarriko
-Datuen tratamendua:
Erabiliko diren datuak: datu sinpleak erabiliko dira: izena, abizena, jaiotzea data, kamiseta neurria,…
ARGIBIDEAK / INFORMACION. Tel.: 943862021
Helbide elektronikoa: info@zumaiaflyschtrail.eus
REGLAMENDO FLYSCH TRAIL 2024 EN CASTELLANO